Nişanyan Hotel

Nişanyan Hotel - Նշանեան Պանդոկ Շիրինճէի մէջ աննման պանդոկ մը։ Թուրքիոյ մէչ միակ։ Ամրագրել

Տեղեր Ազնիւ, բայց համեստ ճաշակ մը Սենեակներ

Ճաշարան Սքանչելի տեսարան - Բնական համեր - Ճոխութիւն - Առատաձեռնութիւն Ճաշացուցակ

Şirince - Շիրինճէ Եգէականի (դեռ) թաքուն գանձը Յայտնաբերել

Nişanyan Hotel

Şirince, Selçuk, İzmir

+90 (232) 898 3208

+90 (533) 304 0933

reserve@nisanyan.com

Ինչո՞ւ նախընտրել «Նշանեան» պանդոկը։

«Նշանեան» պանդոկի շրջապատը գեղեցիկ է։ Վայր մըն է, որ կենսախինդ կը դարձնէ մարդը, եւ տակաւին տգեղացած չէ մարդկային ձեռքով։ Պանդոկի իւրաքանչիւր մանրամասնութիւն կը ցոլացնէ մեր Պոլսեցի ճաշակը, ազնիւ, բայց նաեւ համեստ ։

Այնտեղ կայ աւելի քան քսան սենեակներ եւ անկախ տուներ. մերթ հինաւուրց քոնաք մը, մերթ որմնանկարներով զարդարուած սենեակ մը, մերթ ալ բնութեան գոգը խրճիթ մը. Տեղեր, ուր մտնելու պահուն իսկ մարդ յոգոց կը հանէ։ Ոմանց լոգարանը քերթուած մըն է։ Փոքր անտառակի մը մէջ ունինք մարմարեայ լողաւազան մը։ Ունինք Մարտակոչի աշտարակը (Hodri Meydan Kulesi), որ կը կրէ հետքերը անցեալի պայքարներուն։

«Նշանեան» պանդոկը, որ արտայայտութիւնն է անուանի գրող Սեւան Նշանեանի ու իր նախկին կնոջը Միւժտէ Թէօնպեքիճիի վաստակին, այժմ կը կառավարուի իրենց դստեր՝ Իրիսի կողմէ։

Ինչպիսի՞ տէղ է

Շիրինճէի ամենաբարձր կէտին վրայ, գիւղի «թուռիսդական» տաղտուկէն հեռու տեղ մըն ենք։ Սահման չունի մեր տարածքը, ուր կան բլուրներ, լանջեր, վտակներ, անտառակներ, հազարաւոր պտղածառեր, բանջարանոցներ, թաքուն լողաւազան մը, խաւար ջրհոր մը, հնադարեան աշտարակ մը եւ տուներ, որոնք կը թուին թէ հարիւրամեակներու հնութիւն ունին:

Քէօշկն (Köşk) ու Աշտարակաւոր քոնաքը (Kuleli Konak) իջեւանատուներ են, որոնք ունին հինգական առանձնասենեակներ։ Սուրբ Եղիայի բլուրը (İlyastepe) գրեթէ անջատ գիւղ մըն է. հիանալի բնութեան մը գոգին, պարզ, սակայն հանգստաւէտ եօթը տունէ բաղկացած է։ «Նշանեան» պանդոկի պսակը հանդիսացող երկու Մեծ տուներուն 2023-ին միացաւ երրորդ մը եւս։

Սեղմեք «Սենյակների» համար

Ինչե՞Ր Կան։

Լողաւազան

Կառուցուած է սպիտակ մարմարիոնէ, ինչպէս հին հռոմէական աւազանները։ Ջուրը կու գայ մեր լեռնային աղբիւրէն։ Առաւօտները պաղ կ՚ըլլայ, բայց իրիկունը կը գոլանայ։

Բաղանիք

Իսկակա՛ն բաղանիք, այսինքն համամ, յունական պատմական գիւղի մը մէջ։ Գմբէթը ունի ցցուն լուսամուտներ։ Պատերուն վրայ կան սելճուկեան կապտագոյն սալիկներ, իսկ մարմարիոն միշտ տաք է։ Գաղտի պատուհանը կը դիտէ գիւղի համայնապատկերը։

Մարտակոչի աշտարակը

Բարձրութիւնը 12 մեթր։ Կառուցումը աւարտեցաւ 2011-ին։ Դարձած է Շիրինճէի հմայքի կեդրոնը։ Ձեր սիրելիի հետ հաճելի ու անմոռանալի ընթրիքի մը համար կրնաք կանխաւ սեղան պատուիրել։

Ինչե՞Ր Կարելի Է։

Ճաշարան

Կ՚օգտագործենք լաւագոյն մթերքը։ Ձիթաիւղը, բանջարեղէնը կը քաղենք մեր պարտէզէն։ Ամէն ինչ նոր կը պատրեստենք։ Գինիները տեղական են։ Ճաշացուցակը համեստ, սակայն խնամեալ է։

Գիւղական ճոխ նախաճաշ

Նախաճաշը կը տեւէ մինչեւ ժամը 13:00-ն։ Բաց սեղան չէ ու ամէն ինչ կը մատուցուի շիտակ ձեր սեղանին։ Թէյ, սուրճ, խմորեղէն, սեր, գիւղական հաւկիթ եւ այն բոլորը, որ կ՚երեւակայէք…

Հարսանիք եւ հաւաքներ

Կարելի է կազմակերպել հարսանիքներ՝ առաւելագոյն 60 անձի մասնակցութեամբ։

Ո՞Ւր Երթալ

Շիրինճէ

Ծովու մակերեւոյթէն 400 մեթր բարձրութեամբ, յունական հին գիւղի մը բարձրագոյն կէտին վրայ ենք։ Շիրինճէ հեքիաթային գեղեցկութեան տէր վայր մըն էր։ Դեռ հմայիչ է իր տեսքը։ Լեռները սքանչելի են։ Մժեղ չկայ։

Եփեսոս եւ պարտադիր այլ տեղեր

Եփեսոս կը հմայէ իր պատմութեամբ ու հնագիտական հարուստ ժառանգութեամբ։ Միլեթոսը ծննդավայրն է հին աշխարհի փիլիփոսայ ու մտածող Թալեսի։ Տիտիմի մէջ է Թուրքիոյ տակաւին կանգուն մեծագոյն մեհեանը՝ նուիրուած Ապոլլոնի։

Թուաբանութեան գիւղն ու Թատրոնի ճեմարանը

Թուրքիոյ անզուգական ու արտակարգ ուսումնական երկու հաստատութիւնը։ Երկուքն ալ մտայղացուած են Սեւան Նշանեանի կողմէ։ Կը գտնուին պանդոկէն 2 քմ. հեռաւորութեան վրայ։ Արսէն Նշանեանի ու իր ընկերներու «Արխէ» կրթական ճամբարն ալ այդ շրջանի մէջ է։

Կերակուրի աշխատանոց

Բարեւ։ Ես Միւժտէ Թէօնպէքչին եմ։ Պանդոկի խոհանոցը ըստ իս մեր հաստատութեան սիրտն է։

Մեր ընդարձակ պարտէզներու մէջ եղանակի բանջարեղէնի տեսակներ, հոտաւէտ անանուխ, ռեհան, ուրց կը բուսցնենք։ Ճաշերը, որ կը մատուցենք ճաշարանի մէջ, ես ինքս կը ծրագրեմ ու կը պատրաստեմ իմ օգնականներու հետ։ Բանջարեղէնը, միսը, ձուկը կ՚եփեմ եգէականի համեղ աւանդութիւններու համաձայն…

Կարդալ ավելին

Հիմնադիրներն Ու Հիւրընկալը

Սեւան Նշանեան.. Անուանի լեզուագէտ ու գրող։ Հեղինակ է «Նշանեան բառարան», «Տեղանուններու բառարան» եւ «Թուրքիոյ Անձննուններու բառարան» երկերու։ Երկար տարիներ Միւժտէ Թէօնպէքչիի հետ հրատարակած է «Պզտիկ պանդոկներու գիրքը»։ Ծրագրեց ու կառուցեց «Նշանեան» պանդոկը, Թուաբանութեան գիւղն (Matematik Köyü) ու Թատրոնի ճեմարանը (Tiyatro Medresesi)։ Aյժմ կը բնակի արտասահմանի մէջ։ Շիրինճէի տեսարժան վայրերէն մէկն է Նշանեանի ժայռափոր շիրիմը՝ Քայսեր լերան վրայ։ Սեւան Նշանեանի գիրքերը պատուիրելու համար սեղմեցէ՛ք։
Միւժտէ Թէօնպէքիճի.. Բնիկ պուրսացի ու զուիցերացի։ «Պզտիկ պանդոկներու գիրքը»ի համահեղինակ։ Տարիներէ ի վեր ձեւաւորած է « Նշանեան» պանդոկի հոգին։ Իր ծրագրած ու վարած Կերակուրի աշխատանոցը շատերու համար կը կազմէ Շիրինճէի փորձառութեան գագաթը։
Իրիս Նշանեան-Վուրալ. Զբօսաշրջութեան ու պանդոկի կառավարումի կրթութիւնը ստացած է Զուիցերիոյ Swiss School of Tourism and Hospitality։ Ամուսնացած է Քաանի հետ։ Մայր է զաւակի մը։